183

کراچی: نماز عید کے دوران مسجد کی چھت گرنے سے ایک نمازی شہید، 15 زخمی

کراچی (ڈیلی اردو) کراچی میں نماز عید کی ادائیگی کے دوران مسجد کی چھت گر گئی، حادثے میں ایک نمازی شہید جبکہ 15 نمازی زخمی ہو گئے۔

کراچی کے علاقے سہراب گوٹھ میں نماز عید کے دوران خستہ حال مسجد کی چھت گر گئی۔ سلیپ پر مشتمل مسجد ابو حریرہ کی چھت گرنے سے ایک نمازی شہید جبکہ 10 سے 15 نمازی زخمی ہوئے تھے۔

پولیس کے مطابق شہید نمازی کی شناخت خوشحال کے نام سے ہوئی جبکہ مزید 3 سے 4 افراد کی حالت نازک بتائی جارہی ہے جنہیں فوری طور پر ہسپتال منتقل کردیا گیا تھا۔

واقعے کے بعد ریسکیو رضا کار اور پولیس جائے وقوعہ پر پہنچی اور امدادی سرگرمیاں شروع کیں۔ جاں بحق نمازی کی شناخت خوشحال کے نام سے کر لی گئی۔ زخمیوں کو ملبے سے نکال کر ہسپتال منتقل کیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں