278

اسرائیلی جنگی طیاروں کی شام میں ایرانی اور عراقی تنصیبات پر بمباری، 12 افراد شہید

دمشق + یروشلم (ڈیلی اردو/نیوز ایجنسی) شام میں اسرائیلی جنگی طیاروں کی ایران اور عراق کی فوجی تنصیبات پر بمباری کے نتیجے میں 12 افراد شہید ہوگئے۔

اسرائیلی اخبار ہاریز کے مطابق شام میں عراقی سرحد کے نزدیک اسرائیلی طیارے نے بمباری کی، بمباری میں عراق اور ایران کے اسلحہ ڈپو کو نشانہ بنایا گیا جو عراق اور ایران کے حمایت یافتہ شیعہ ملیشیا گروپس کے زیر استعمال تھا۔

بمباری میں 8 فوجی اہلکار، شام میں کام کرنے والے 4 سماجی کارکنان اور 2 عراقی حکام کے شہید ہونے کی اطلاعات ہیں جبکہ 3 فوجی اہلکار شدید زخمی ہیں۔ شہدا اور زخمی ہونے ہونے والوں کی شناخت ظاہر نہیں کی گئی ہے۔ اسلحہ ڈپو مکمل طور پر تباہ ہوگئے۔

ادھر شام میں انسانی حقوق کے مبصرین کا کہنا ہے کہ فضائی حملہ ایران کی حمایت یافتہ شیعہ ملیشیا کی تنصیبات پر کیا گیا ہے جب کہ جنگ زدہ شام میں صورت حال پر نظر رکھنے والے ایک برطانوی ادارے کے مطابق بمباری اسلحہ ڈپوز پر کی گئی۔

دوسری جانب عراقی حکام نے دعویٰ کیا ہے کہ اسرائیلی طیارے نے اسلحے اور میزائل سے لدے دو ٹرکوں کو نشانہ بنایا ہے۔

اسرائیل اس سے قبل بھی ایسے کئی حملے کرچکا ہے۔

اس خبر پر اپنی رائے کا اظہار کریں

اپنا تبصرہ بھیجیں