لوئردیر (ڈیلی اردو) کورونا وائرس سے خاتون کے انتقال پر زیارت تالاش کا علاقہ مکمل طور پر سیل کردیا گیا۔ کورونا وائرس کی وجہ سے خاتون کے انتقال کرجانے پر لوئر دیر میں زیارت تالاش کا علاقہ مکمل طور پر سیل کردیا گیا ہے۔
ڈپٹی کمشنر لوئر دیر کا مزید کہنا ہے کہ 25 مارچ کو مریضہ کا ہسپتال کے آئی سی یو میں انتقال ہوا، جاں بحق خاتون 15 مارچ کو سعودی عرب میں عمرہ کر کے لاہور سے لوئر دیر آئی تھی۔
ڈپٹی کمشنر کے مطابق وفات پانے والی خاتون کے رشتہ داروں کے بھی ٹیسٹ کیے جائیں گے جب کہ کورونا وائرس کے پھیلاؤ کو روکنے کے لیے علاقے میں مساجد سے اعلانات بھی کیے جارہے ہیں۔
— Deputy Commissioner DirLower (@dcdirlower) March 28, 2020
یاد رہے کہ گزشتہ ہفتے وزیر اعظم عمران خان کے معاون خصوصی برائے صحت ڈاکٹر ظفر مرزا نے پاکستان میں کورونا وائرس سے پہلی 2 اموات کی تصدیق کرتے ہوئے کہا تھا کہ دونوں کا تعلق صوبہ خیبر پختونخوا سے ہے اور دونوں حال ہی میں سعودی عرب سے عمرہ کرکے واپس وطن پہنچے تھے۔
