جیکب آباد: خوشحال خان خٹک ٹرین بڑے حادثے سے بال بال بچ گئی، 3 بوگیاں پٹری سے اتر گئیں

جیکب آباد (ڈیلی اردو) خوشحال خان خٹک ٹرین بڑے حادثے سے بال بال بچ گئی، تین بوگیاں پٹڑی سے اتر گئی، کسی بھی قسم کا جانی نقصان نہیں ہوا

تفصیلات کے مطابق جیکب آباد ریلوے اسٹیشن کے قریب کراچی سے پشاور جانے والی خوشحال خٹک ٹرین حادثے کا شکار ہوگئی جس کے باعث ٹرین کی تین بوگیاں پٹڑی سے اتر گئیں

اس حوالے سے اسٹیشن ماسٹر پہلوان شاہ نے میڈیا کو تفصیلات بیان کرتے ہوئے بتایا کہ واقعہ کیبن والے کی غفلت کے باعث پیش آیا ہے تاہم خوش قسمتی سے کوئی جانی نقصان نہیں ہوا۔

مسافروں کا کہنا تھا کہ ٹرین کے کراچی سے جیکب آباد تک پہنچنے کے دوران راستے میں تین بار انجن فیل ہوا اور مسافروں کو طرح طرح کی مشکلات کا سامنا کرنا پڑا۔

اس سے پہلے بھی اسی طرح کے واقعات ہوچکے ہیں لیکن کسی ملزم کو سزا نہ ہونے کے باعث مذکورہ واقعات پر قابو پانا مشکل ہوگیا ہے جس سے آئے روز مسافروں کو نقصانات اٹھانا پڑتے ہیں۔

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں