اسلام آباد (ڈیلی اردو) سعودی سفارت کار کی گاڑی سے موٹر سائیکل سوار ایک نوجوان ہلاک ہوگیا۔
تفصیلات کے مطابق اسلام آباد کے تھانہ شالیمار کی حدود میں سعودی سفارت کار کی گاڑی کی ٹکر سے موٹر سائیکل سوار موقع پر ہلاک ہوگیا۔ لاش کو ضابطے کی کارروائی کے لئے پمز اسپتال منتقل جب کہ گاڑی میں سوار سفارت کو گرفتار کر لیا گیا۔
پولیس حکام کا کہنا ہے کہ ہلاک ہونے والے شخص کی شناخت محمد عرفان کے نام سے ہوئی ہے جو کہ فرنیچر کاکام کرت اتھا، گاڑی میں سوار سفارت کار فیصل بن تراد کو حراست میں لیا گیا ہے۔ فیصل تراد سعودی سفارتخانہ میں انٹرن شپ ایمبیسیڈر ہے۔
