تہران (ڈیلی اردو) ایران نے کہا ہے کہ سعودی عرب کے ساتھ معاملات طے کرنے کے لئے مذاکرات تعمیری ماحول میں جاری ہیں۔
ایرانی وزارت خارجہ کے ترجمان سعید خطیب زادہ نے پیر کو مذاکرات کی تفصیلات بتانے سے گریز کرتے ہوئے کہا کہ کسی سمجھوتے پر پہنچنے سے قبل میڈیا میں بات چیت کی تفصیلات بتانا عجیب بات ہوگی۔
تاہم انہوں نے کہا کہ یہ مذاکرات تعمیری ماحول میں ہو رہے ہیں اور ہمیں کسی نتیجے پر پہنچنے کی امید ہے۔
اس سوال پر کہ کیا ایران رواں سال فریضہ حج کی ادائیگی کے لئے عازمین کو سعودی شہر مکہ بھیجے گا ترجمان نے کہا کہ ہم اس مسئلہ پر مشاورت کر رہے ہیں اور نتائج کے منتظر ہیں۔
