نصیر آباد میں سی ٹی ڈی کی کارروائی، یونائیٹڈ بلوچ آرمی کا دہشت گرد گرفتار

کوئٹہ (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی ) نے کارروائی کرتے ہوئے بلوچستان سے دہشت گرد کو گرفتار کرلیا ہے۔

تفصیلات کے مطابق بدھ کو سی ٹی ڈی نے ضلع نصیرآباد میں ایک انٹیلی جنس بیسڈ آپریشن کے دوران کالعدم تنظیم یونائیٹڈ بلوچ آرمی (یو بی اے) کے دہشت گرد کو گرفتار کر لیا۔

ترجمان سی ٹی ڈی کے مطابق کالعدم تنظیم کا دہشت گرد ایک مسافر وین میں کوئٹہ سے نصیر آباد آ رہا تھا کہ مرکزی قومی شاہراہ پر دوران تلاشی اس کو گرفتار لیا گیا اور اس کے قبضے سے بھاری مقدار میں دھماکہ خیز مواد بھی برآمد کر لیا۔

ملزم کو مزید تفتیش کے لیے نامعلوم مقام پر منتقل کردیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں