ممباسا (ڈیلی اردو/شِنہوا) کینیا کے ساحلی شہر ممباسا میں پولیس نے دہشتگردی کے الزام میں 3 مشتبہ افراد کو حراست میں لے لیا ہے۔
پولیس نے گزشتہ روز دائر کردہ عدالتی دستاویزات میں بتایا کہ تینوں افراد کو یوگنڈا، کینیا، صومالیہ اور مصر میں نیٹ ورک رکھنے والے ایک دہشتگرد گروہ الشاب کے ساتھ تعلق کے شبہ میں گرفتار کیا گیا ہے۔
انسداد دہشتگردی پولیس نے تینوں مشتبہ افراد کو گزشتہ روز ممباسا کی ایک عدالت میں پیش کیا اور اپنی تحقیقات مکمل کرنے کیلئے 15 دن کا وقت مانگا ہے۔
پولیس کو ہوٹل عملہ کی جانب سے مشتبہ سرگرمیوں کی اطلاع موصول ہونے پر ان ملزمان کو گرفتار کیا گیا ہے۔
کینیا کا ساحل ماضی میں دہشت گرد گروہ الشباب کا ہدف بنا رہا ہے۔
