لاہور (ڈیلی اردو) وزیر قانون پنجاب راجہ بشارت کی زیر صدارت ہونے والے اجلاس میں لاہور دھماکے کی تحقیقات کیلئے مشترکہ تحقیقاتی ٹیم (جے آئی ٹی) بنانے کی منظوری دے دی گئی۔
وزیر قانون پنجاب راجہ بشارت کی زیر صدارت کابینہ کمیٹی لا اینڈ آرڈر کا اجلاس ہوا، اجلاس میں لاہور کے انار کلی دھماکے سے متعلق اب تک کی پیشرفت پر کمیٹی کو بریفنگ دی گئی۔
وزیر قانون پنجاب محمد بشارت راجہ کی زیر صدارت کابینہ کمیٹی برائے لا اینڈ آرڈر کا اجلاس
صوبائی وزرا عنصر مجید خان، رائے تیمور بھٹی
چیف سیکرٹری، آئی جی پولیس کی شرکتایڈیشنل چیف سیکرٹریز ہوم، سائوتھ پنجاب، ایڈیشنل آئی جی سی ٹی ڈی سمیت متعلقہ افسر بھی موجود@GovtofPunjabPK pic.twitter.com/snSDo0MLCq
— PTI North Punjab (@PtiNorthPunjab) January 26, 2022
کابینہ کمیٹی نے انار کلی دھماکے پر مشترکہ تحقیقاتی ٹیم (جے آئی ٹی) بنانے کی منظوری دے دی۔
وزیر قانون پنجاب نے آئندہ ہفتے سیالکوٹ واقعے کے چالان کو بھی مکمل کرنے کی ہدایت کی۔
راجہ بشارت نے ہدایت کی کہ 5 فروری کو یوم کشمیر کے موقع پر تمام ریلیوں کی سیکیورٹی کو یقینی بنایا جائے، غیر ملکیوں کے سیکیورٹی پلان کا باقاعدگی سے جائزہ لیا جائے۔
صوبائی وزیر قانون نے ہوم ڈپارٹمنٹ کے کنٹرول روم کو اپ گریڈ کرنے کی بھی ہدایت کی۔
کمیٹی کو بریفنگ میں بتایا گیا کہ لاہور میں ہونے والے تقریباً تمام واقعات کے ملزمان ٹریس کر لئے گئے، گزشتہ روز قتل ہونے والے صحافی کے کیس میں ملوث ملزمان کو بھی جلد گرفتار کر لیا جائے گا۔
اجلاس میں پاکستان سپر لیگ کے ایونٹ کی سیکیورٹی کو پہلےسے بھی بہترین بنانے کی ہدایت کی گئی جبکہ پولیس شہدا پیکج کی بھی منظوری دی گئی۔
واضح رہے کہ 20 جنوری کو لاہور کے علاقے انار کلی میں ٹائم ڈیوائس دھماکا ہوا تھا جس کے نتیجے میں 9 سالہ بچے سمیت 3 افراد جبکہ 30 زخمی ہوئے۔
