پشاور (ڈیلی اردو) افغانستان میں طالبان حکومت آنے کے بعد خیبر پختونخوا میں دہشتگردی کے واقعات میں اضافہ ہوا ہے۔ رواں سال میں خیبرپختونخوا پولیس پر حملوں کے 151 کیسز سامنے آئے ہیں جنوری سے نومبر تک حملوں میں 105 پولیس اہلکار ہلاک اور 109زخمی ہوئے ہیں۔
پولیس رپورٹ کے مطابق اپریل میں سب سے زیادہ 16 پولیس اہلکار مختلف حملوں میں ہلاک ہوئے۔ ستمبر میں 19 پولیس اہلکار حملوں میں زخمی ہوئے۔ اور رواں ماہ حملوں میں 10 پولیس اہلکار ہلاک اور 7 زخمی ہوئے ہیں۔
آئی جی معظم جاہ انصاری کے مطابق افغانستان میں حکومت کی تبدیلی کے بعد دہشتگرد رہا ہوئے اور امریکہ کا چھوڑا ہوا اسلحہ خیبرپختونخوا کیخلاف استعمال کررہے ہیں۔
