کراچی (ڈیلی اردو) صوبہ سندھ کے صوبائی دارالحکومت کراچی میں کاؤنٹر ٹیررازم ڈپارٹمنٹ (سی ٹی ڈی) نے خفیہ اطلاع پر کارروائی کرتے ہوئے کالعدم تحریک طالبان پاکستان (ٹی ٹی پی) کے اہم دہشت گرد کو گرفتار کر لیا۔
کراچی میں سی ٹی ڈی نے خفیہ اطلاع پر کارروائی کرتے ہوئے کالعدم تحریک طالبان پاکستان (طارق گیڈر گروپ) کے اہم دہشت گرد اسرار کو گرفتار کر لیا۔ گرفتار دہشت گرد کے قبضے سے ایک عدد کلاشنکوف برآمد ہوئی۔ سی ٹی ڈی#CTD #TTP #Karachi #Pakistan
— Shabbir Hussain Turi (@ShabbirTuri) March 14, 2023
ترجمان سی ٹی ڈی کی جانب سے جاری کردہ بیان کے مطابق گرفتار دہشت گرد اسرار ٹی ٹی پی طارق گیدڑ گروپ کے کمانڈر کا اہم ساتھی ہے۔
ترجمان نے بتایا کہ مبینہ دہشت گرد کے قبضے سے کلاشنکوف بھی برآمد ہوئی ہے۔
انہوں مزید بتایا کہ ملزم کا تعلق درہ آدم خیل سے ہے، گرفتار ملزم 20 روز قبل درہ آدم خیل سے کراچی آیا تھا۔
ترجمان نے بتایا کہ سی ٹی ڈی کو طارق گیدڑ گروپ کو دوبارہ منظم کرنے کی خفیہ اطلاع ملی تھی، ملزم کراچی میں دہشت گردی کی کارروائیاں کرنے پہنچا تھا۔
ترجمان نے بتایا کہ گرفتار ملزم اس سے قبل بھی دہشت گردی کی کئی وارداتوں میں سہولت کار رہا ہے۔
سی ٹی ڈی کے بیان کے مطابق دوران تفتیش ملزم کی جانب سے مزید انکشافات کیے گئے ہیں، ملزم کے بیان کی روشنی میں سی ٹی ڈی کارروائیاں عمل میں لارہی ہے، ملزم کی نشاندہی پر مزید اہم گرفتاریاں متوقع ہیں۔
