لاہور (ڈیلی اردو) کاؤنٹر ٹیررزم ڈیپارٹمنٹ (سی ٹی ڈی) نے صوبہ پنجاب کے ضلع ڈیرہ غازیخان میں انٹیلی جنس بیسڈ کارروائی کرتے ہوئے کالعدم تنظیم کا اہم کمانڈر گرفتار کرلیا۔
سی ٹی ڈی حکام کے مطابق گرفتار دہشت گرد کی شناخت راشد بشمانی کے نام سے ہوئی ہے، ملزم سوشل میڈیا پر شرانگیز مواد شیئر کررہا تھا۔
حکام کا مزید کہنا ہے کہ گرفتار دہشت گرد نوجوانوں کو کالعدم تنظیم بلوچ لبریشن آرمی (بی ایل اے) کی سرگرمیوں کی طرف راغب کررہا تھا، ملزم کے خلاف مقدمہ درج کرکے تفتیش شروع کردی گئی، تفتیش میں اہم انکشافات اور لیڈز متوقع ہیں۔
