اسلام آباد (ڈیلی اردو) پاکستان میں گذشتہ روز مزید 4298 افراد کووڈ 19 سے متاثر ہوئے جبکہ 140 افراد کی ہلاکت کی تصدیق کی گئی۔
Statistics 7 May 21:
Total Tests in Last 24 Hours: 44846
Positive Cases: 4298
Positivity % : 9.58%
Deaths : 140— NFRCC (@NFRCCofficial) May 6, 2021
گذشتہ روز ملک میں 44 ہزار ٹیسٹ کیے گئے جو گذشتہ کئی ہفتوں سے ٹیسٹنگ میں کمی کے رجحان کی جانب سے اشارہ ہے۔ ان ٹیسٹوں کے نتیجے میں مثبت کیسز کی شرح نو اعشاریہ پانچ فیصد رہی۔
خیال رہے کہ پاکستان میں کورونا وائرس کی تیسری لہر کے پیشِ نظر مختلف علاقوں میں سنیچر سے مکمل لاک ڈاؤن کا آغاز کیا جا رہا ہے۔
سرکاری پورٹل کے مطابق ملک میں کورونا سے ہلاکتوں کی تعداد 18677 ہو گئی ہیں اور مجموعی کیسز 8 لاکھ 50131 تک جاپہنچے ہیں۔
حکومت کا عید پر مکمل لاک ڈاؤن کا فیصلہ، عوام سے گھروں میں رہنے کی اپیل
وزیر اعظم عمران خان کے دفتر کی طرف سے ایک ٹویٹ میں بتایا گیا ہے کہ ملک میں کورونا کے بڑھتے کیسز کے پیشِ نظر حکومتِ پاکستان نے اس عید پر مکمل لاک ڈاؤن کا مشکل فیصلہ کیا ہے۔
ملک میں کورونا کے بڑھتے کیسز کے پیشِ نظر حکومتِ پاکستان نے اس عید پر مکمل لاک ڈاؤن کا مشکل فیصلہ کیا ہے۔ عوام سے التماس ہے کہ کورونا کا پھیلاؤ روکنے کے لیے وضع کردہ ایس او پیز پر سختی سے عملدرآمد کریں
آپ کے تعاون سے ہم ایک مرتبہ پھر دیں گے کورونا کو شکست، انشاء اللہ۔#StayHome pic.twitter.com/F092VjsWsI
— Prime Minister's Office (@PakPMO) May 7, 2021
اس ٹویٹ میں عوام سے اپیل کی گئی ہے کہ وہ کورونا وائرس کے پھیلاؤ کو روکنے کے لیے وضع کردہ ایس او پیز پر سختی سے عملدرآمد کو یقینی بنائیں۔
