ُاواگادوگو (ڈیلی اردو) برکینا فاسو کے شمالی علاقے میں مسلح افراد کے ایک حملے میں 6 فوجی معاونین اور 3 عام شہریوں سمیت 9 افراد ہلاک ہو گئے ہیں۔
شمالی خطے کے گورنر ڈیوڈ ویلنٹن اوئڈراوگو نے ایک بیان میں کہا ہے کہ مسلح افراد نے ہفتہ کے روز نامیسیگیما گاؤں پر دھاوا بول کر کافی نقصان پہنچایا اورمویشیوں کو لے کر چلے گئے۔
بیان میں کہا گیا ہے کہ دفاعی و سیکورٹی فورسز کی جانب سے سیکورٹی سویپ آپریشن کے دوران ہلاکتوں کی تعداد 9 پتہ چلی ہے جن میں ڈیفنس آف مدرلینڈ (وی ڈی پی) یونٹ کے 6 اہلکار اور 3 عام شہری شامل ہیں۔
