اسلام آباد (ڈیلی اردو) وفاقی دارالحکومت اسلام آباد کے علاقے جی الیون سے پولیس کانسٹیبل کو مبینہ طور پر اغوا کر لیا گیا۔
رمنا پولیس کا کہنا ہے کہ اہلکار نے ناکے پر مشکوک گاڑی کو روکا، کاغذات چیک کیے اور نامکمل کاغذات پر اہلکار نے ڈرائیور کو گاڑی تھانے لے جانے کا کہا۔
پولیس کے مطابق اہلکار تھانے لے جانے کیلئے گاڑی میں سوار ہوا تاہم ڈرائیور نے پولیس اہلکار کو مبینہ طور پر اغوا کرکے فرار ہوگیا۔
اس واقعہ کے بعد پولیس نے شہر کی ناکہ بندی کرکے اہلکار کی تلاش شروع کر دی۔
