پشاور (نمائندہ ڈیلی اردو) خیبر پختونخوا کے دارالحکومت پشاور میں دہشت گردی کا منصوبہ ناکام بنا دیا گیا۔
پولیس نے انٹیلی جنس بیسڈ آپریشن کرتے ہوئے 11 کلو گرام بارودی مواد برآمد کرکے اسے ناکارہ بنا دیا، بارودی مواد ادیزئی میں نہر کے قریب پریشر ککر میں نصب کیا گیا تھا۔
بی ڈی ایس نے موقع پر پہنچ کر بموں کو ناکارہ بناتے ہوئے دہشت گردی کا منصوبہ ناکام بنایا۔
بعد ازاں پولیس نے علاقے کو گھیرے میں لے کر سرچ آپریشن شروع کر دیا۔
