لوئر دیر (ڈیلی اردو) صوبہ خیبر پختونخوا کے ضلع لوئر دیر میں کاؤنٹر ٹیررازم ڈیپارٹمنٹ (سی ٹی ڈی) اور پولیس کی مشترکہ کارروائی میں بھاری تعداد میں اسلحہ و بارود برآمد کرلیا گیا۔
پولیس حکام کے مطابق لوئر دیر میں سی ٹی ڈی اور پولیس کی مشترکہ کارروائی کے دوران 5 خود کش جیکٹس برآمد کرلی گئیں۔
پولیس حکام نے بتایا کہ 19ریموٹ کنٹرول بم اور دستی بم بھی برآمد ہوئے، جبکہ 3 ایس ایم جی 30 ہائی، دھماکا خیزمواد، 16عدد ایس ایم جی میگزین، سینکڑوں کارتوس، میڈیسن کپڑے اور بیگز بھی برآمد ہوئے۔
ڈی پی او لوئردیر ضیاءالدین احمد ، ایس پی سی ٹی ڈی امجدخان اور ڈی ایس پی ہیڈکوارٹر فخرعالم خان نے میڈیا کو بتایا کہ کارروائی لوئر دیر اور ملاکنڈ کے بارڈر پر کی گئی، جس میں اسلحہ و بارود برآمد ہوا، یہ بارود عید کےموقع پر دہشتگردی کے لئے استعمال کرنے کا منصوبہ تھا، تاہم بروقت کارروائی کے بعد یہ منصوبہ ناکام بنا دیا گیا۔
ڈی پی او کا کہنا تھا کہ دہشت گردوں کی گرفتاری کیلئے آپریشن جاری ہے۔
