خار (ڈیلی اردو) خیبر پختونخوا کے قبائلی ضلع باجوڑ کی تحصیل لوئی ماموند میں بم دھماکے کے نتیجے میں 2 بچے زخمی ہوگئے ہیں۔
نجی ٹی وی چینل ڈان نیوز کے مطابق ڈپٹی سپرٹینڈنٹ پولیس ستار خار نے بتایا کہ دھماکہ گٹ آگرہ پہاڑ میں ہوا، بچے یہاں بکریاں چرا رہے تھے، دونوں زخمیوں کو لرخلوزو ہسپتال منتقل کر دیا گیا ہے۔
اس سے قبل آج ہی خیبر پختونخوا کے قبائلی ضلع شمالی وزیرستان کی تحصیل میر علی میں بم دھماکے میں تین بچے ہلاک ہوگئے تھے۔
ذرائع نے بتایا کہ بچے بکریاں چرا رہے کہ اس دوران دھماکہ ہوگیا جس کے نتیجے میں وہ ہلاک ہوگئے۔
