ابوجا (ڈیلی اردو) نائیجیرین فوج پر گشت کے دوران مسلح افراد نے بھاری ہتھیاروں سے حملہ کردیا، جس کے نتیجے میں متعدد فوجی ہلاک جب کہ دو لاپتہ ہوگئے۔
غیر ملکی میڈیا کے مطابق خانہ جنگی کا شکار افریقی ملک نائیجیریا کی فوج پر مسلح افراد نے ایک اور حملہ کیا ہے جس کی زد آکر نائیجیرین فوج کی 93 بٹالین کے 7 اہلکار زندگی کی بازی ہار گئے۔
Gunmen kill seven Nigerian soldiers in ambush on army patrol -sources https://t.co/aV2URdBVXE pic.twitter.com/HWX3WehgHH
— Reuters Africa (@ReutersAfrica) May 11, 2022
دہشت گردوں نے رات گئے نائیجیریا کے ٹاٹی نامی گاؤں میں فوجی قافلے پر بھاری ہتھیاروں سے حملہ کیا تھا۔
عرب خبر رساں ادارے کا کہنا ہے کہ 93 بٹالین پر حملے کے بعد سے بریگیڈئر جنرل اور ان کے معاون لاپتہ ہیں، جن کی تلاش کیلئے فوج نے سرچ آپریشن کا آغاز کردیا ہے۔
رپورٹ میں کہا گیا ہے کہ ابھی تک کسی بھی مسلح گروہ نے حملے کی ذمہ داری قبول نہیں کی ہے جب کہ آرمی کے ترجمان بھی حملے سے متعلق تبصرہ کرنے سے گریز کررہے ہیں۔
خیال رہے کہ گزشتہ ماہ نائیجیریا کے علاقے ترابا میں داعش کے حملے میں تین افراد ہلاک اور 30 سے زائد زخمی ہوگئے تھے۔
گزشتہ دس برس سے نائیجیریا میں مختلف مسلح گروہ سرگرم ہیں جو مختلف قوموں اور سیکیورٹی فورسز کو دہشت گردانہ کارروائیوں کا نشانہ بناتے رہتے ہیں۔
