ڈی آئی خان (س ت ح ز) صوبہ خیبرپختونخوا کے ضلع ڈیرہ اسماعیل خان میں رات گئے دہشت گردوں نے پولیس چوکی پر حملہ کر دیا، تاہم کوئی جانی نقصان نہیں ہوا۔
پولیس کے مطابق چھ سے زائد دہشت گردوں نے ڈیرہ اسماعیل خان کی تحصیل کلاچی میں ٹکواڑہ پولیس چیک پوسٹ پر راکٹ لانچرز سے حملہ کیا جس پر پولیس کی جانب سے بھرپور جوابی کارروائی کی گئی جس کے نتیجے میں 2 دہشت گرد زخمی ہوگئے۔
پولیس کے مطابق حملے میں پولیس چوکی کو جزوی نقصان ہوا ہے۔
حملے میں کوئی جانی نقصان نہیں ہوا تاہم پولیس کی جانب سے علاقے کو گھیرے میں لے لیا گیا۔
