نئی دہلی (ڈیلی اردو/بی بی سی) بھارت نے اپنے زیر انتظام جموں کشمیر میں عسکریت پسند گروپ حزب المجاہدین کے سربراہ سید صلاح الدین کے بیٹوں کی جائیدادیں ضبط کر لی ہیں۔
#BREAKING: NIA attached properties of dreaded terrorist Syed Salahuddin (Chief Hizbul Mujahideen/United Jihad Council) in Srinagar/Budgam of Kashmir. Properties of Syed Ahmed Shakeel, son of Mohd. Yusuf Shah (aka Syed Salahuddin) have been taken over and attached under UAPA.… pic.twitter.com/ta53jXnvyi
— Aditya Raj Kaul (@AdityaRajKaul) April 24, 2023
روزنامہ ٹائمز آف انڈیا کے مطابق نیشنل انویسٹیگیشن ایجنسی (این آئی اے) نے شاہد یوسف اور سید احمد شکیل کی سرینگر اور بڈگام اضلاع میں واقع جائیدادوں کو غیر قانونی سرگرمیاں (روک تھام) ایکٹ کے تحت ضبط کر لیا ہے۔
J&K | NIA attaches under UAPA the Srinagar property of Syed Ahmad Shakeel, son of Hizbul Mujahideen chief and terrorist Syed Salahuddin pic.twitter.com/lWuW6uzrrC
— ANI (@ANI) April 24, 2023
ہندوستان ٹائمز کی ایک رپورٹ میں کہا گیا ہے کہ دونوں اس وقت دلی کی تہاڑ جیل میں بالترتیب 2017 اور 2018 میں عسکریت پسند گروپ سے مبینہ طور پر فنڈ حاصل کرنے کے الزام میں قید ہیں۔
صلاح الدین 1993 میں پاکستان فرار ہو گئے تھے۔ اکتوبر 2020 میں انڈیا نے انھیں دہشت گرد قرار دیا تھا۔
ہندوستان ٹائمز کی رپورٹ کے مطابق وہ پاکستان کے زیر انتظام کشمیر میں حزب المجاہدین سمیت 13 عسکریت پسند تنظیموں پر مشتمل یونائیڈڈ جہاد کونسل کی کمان کرتے ہیں۔
یہ کارروائی این آئی اے کے اس کریک ڈاؤن کا حصہ ہے جو وہ جموں کشمیر میں مبینہ عسکریت پسندوں کی مالی امداد کرنے والوں کے خلاف کر رہی ہے۔