لنڈی کوتل (ڈیلی اردو/ٹی این این) پاک افغان سرحد طورخم پر افغان طالبان اور پاکستان فورسز اور ایف سی اہلکاروں کے درمیان ہاتھا پائی کا واقعہ پیش آیا ہے۔
KS Monitoring: Torkham border has been closed for all types of movement after an exchange of words between the Afghan Taliban and FC.
V @ShabbirTuri pic.twitter.com/ydB7smS102— Khyber Scoop (@KhyberScoop) August 5, 2023
سکیورٹی ذرائع کے مطابق ہاتھا پائی میں ایک ایف سی اہل کار زخمی ہوا ہے، جسے طبی امداد کے لیے ہسپتال منتقل کیا گیا ہے۔ واقعے کے بعد طورخم سرحدی گزر گاہ کو ہر قسم کی آمد و رفت کے لیے بند کردیا گیا ہے، جس سے پیدل آمد و رفت سمیت تجارتی سرگرمیاں معطل ہو گئی ہیں۔
مقامی خبر رساں ایجنسی ٹی این این سے بات کرتے ہوئے ایک اہلکار نے نام ظاہر نہ کرنے کی شرط پر بتایا کہ “ہاتھا پائی کا واقعہ اس وقت پیش آیا جب بارڈر پر ایف سی اہلکار نے ایک شخص کو روکا جس کے ساتھ چینی تھی، جس پر افغان فورسز نے ایف سی اہلکار کے ساتھ ہاتھا پائی شروع کی جس سے وہ زخمی ہو گیا۔”
اہلکار کے مطابق ہاتھا پائی کے بعد پاک افغان بارڈر کو ہر قسم پیدل اور تجارتی سرگرمیوں کے بند کر دیا گیا تاہم کچھ دیر بعد کامیاب مذاکرات کے بعد بارڈر کو آمدورفت کے لیے کھول دیا گیا ہے۔